الاثنين، 31 مايو، 2010

عدستي




السلام عليكم
اليوم منزله بعض الصور اللي التقطتها قبل فتره و اتمني تعجبكم
و اتمني تفيدوني بتعليقاتكم المهمه بالنسبه لي

::::::::::::

هذي صور لمول بمدينة ادمنتون بكندا و هذا المول كان لفتره طويله من الزمن اكبر مول بالعالم





هذا مجسم لتنين بالمول في منطقة صالات السينما،
و يعملون به عرض بحيث ينفخ النار كما بالصوره الثانيه



"""""""""""

هذا الحيوان يسمي بايسون ( بايسون كلك حركااات ههههههه )



""""""""

هذي صور لملعب قولف



"""""""""

هذي شجرة توت و سبحان الله كل الشجره ورد و لونه ابيض
هذي صورتها و انا راجعه من عند دكتورة الاسنان
و كنت طاقتها كعابي و حالتي حاله مع الم الاسنان و البهذله و كمان اصور ههههههههه




"""""""""

هذي صورتها و انا راجعه البيت من الجامعه و كانت الدنيا مطر خفيف
و عجبتني قطرات المطر علي الورق




في انتظار نقدكم البناء و تحيتي


الثلاثاء، 25 مايو، 2010

ارهاااب الطريق... مهم للغاية


الله يسعد و يوفق كل من يتأثر ايجابا بالمقطع

و الله الموضوع محزن و مؤسف للغااااااااية

ارجوكم تبلغون كل من تحبون بخطورة و فداحة الامر

الثلاثاء، 11 مايو، 2010

كفكفها .....



نزلت دمعة تلتها دمعة
انهار سيل جارف من الدموع

سقطت من قلب متيم
اضنااااه الشوق


صرخ العقل متجهما: كفكف يا قلب دمعاتك
كفاك سخفا و ضعفا

امسح دمعاتك فلم يعد يصدقها احد
كفكفها فلم يعد يحس بها احد

كفكفها و اجعلها مكبوتة داخلك
و اظهر الكبرياء و الجبروت

...
..
.

فهذا زمن القلوب الصلبة المتحجرة
زمن لا مكان فيه لقلب رقيق حساس



السبت، 8 مايو، 2010

ايام من حياتي




السلام عليكم و رحمة الله و بركاته

اللهم لك الحمد حتي ترضي و لك الحمد اذا رضيت و لك الحمد بعد الرضي اللهم و لك الحمد علي كل حال

كيفكم اصدقائي الاعزاء ؟؟ اتمني الجميع بخير و عافيه

لى فتره طويله ما نزلت شي بالمدونه لأني انشغلت كثير

كان هذا الترم متعب جدا، اربع شهور كامله كلها واجبات و برزنتيشن و ابحااااااث

و الحمدلله خلصت يوم الخميس

طبعا فترة عمل الابحاث كانت اصعب فتره و كنت احس ان الايام تمشي ببطء

و عملت حاجه عشان تبقي ذكري و هي اني صورت توقيت اليوم اللي بدأت فيه اول بحث و توقيت تسليم اخر بحث

١ ابريل كان اول يوم


٦ مايو كان اخر يوم


سلمت ثلاثة ابحاث:

الاول كان بعنوان (العلاقه بين الام و ابنتها) تناولتها في روايتين

الثاني بعنوان ( كيف صور كتاب القرن العشرين شهرزاد)
و تناولت فيها قصة الف ليله و ليله الاصليه و رواية ليالي الف ليله لنجيب محفوظ
و رواية الطريق الي بغداد لكاتبه تركيه اسمها جونيلي
و رواية دنيا زاد لكاتب امريكي اسمه جون بارث

البحث الثالث و كان بعنوان (هل الصداقة ممكنه تحت سلطة الاستعمار)
و تناولتها في رواية طريق الي الهند للكاتب البريطاني فورستر

طبعا وقت الشغل كانت غرفتي مقربعه علي الآخر، مليانه اوراق و كتب
هذي صور لها و ان شاء الله ناويه عليها نية ترتيب قووووية ههههههه




الحمدلله الان ارتحت من الضغط

باقي لي الرساله بإذن الكريم و ربنا ييسرها
..........

طبعا لا انسي اهني الاتحاديين بالفوز، و هذي عادة العميد :)
..........

نزلت اليوم بعض الصور اللي صورتها:

هذي صورة الباص اللي اروح بيه للجامعه


هذي صوره لبحيره جنب البيت و صورتها بعد ما ذاب الثلج منها



قبل كم يوم نزل علينا مطر شديد و صباح اليوم الثاني نزل ثلج،
و اتجمدت قطرات المطر اللي علي الشباك





و صور الورد هذي لكم زواري الاعزاء عربون تقدير و احترام و ان شاء الله تعجبكم