اختبار الايلتس

اليوم حصلت على نتيجة اختبار الأيلتس ( اختبار لغة مثل التوفل)
و بحمد الله تعالى و بركاته حصلت على النتيجة المطلوبة لكي أكمل دراسة الماجستير في كندا
كم هي سعادتي كبيرة



طبعا الأيام اللي مرت و أنا أنتظر النتيجة كانت أيام عصيبة ما يعلم بيها غير رب العباد
خوف و بكاء و هم و أقلقت البيت كله معي ( للمعلومية أنا أكبر بكاية في العالم هههههه)
و اليوم و أنا في الطريق للمجلس الثقافي البريطاني عشان اجيب النتيجة قلبي شوي و يوقف و رجولي يادوب شايله جسمي و كنت حاسه إني في أي لحظة ممكن أطيح

>>>>> طبعا حستسغربون ليش هذا كله
مثل ما قلت أنا أكره اليوم اللي تكون فيه نتيجة، هذا الكلام من يوم ما أنا في الإبتدائي
بالعربي الفصيح خواااااااااااااااااااااافه

و بالرغم من أني طالبة متفوقة و الحمدلله لكن هذا الخوف ماله حل

يوم شفت النتيجة و كانت الحمدلله مرضية
جسمي كله صار ينتفض بشكل مو طبيعي و مو قادره أقول كلمتين على بعضها لموظف الاستقبال
و جلست أعبي ورقة عشان أرسل نسخة للجامعة الكندية

طبعا هنا ما أقدر أوصف لكم كيف الخط <<<< خنفشااااااااااااااااااااااااااااااااااري

يدي كأنها موصلة بالكهرباء خخخخخخخخخ

الحمدلله عدت على خير
و ربنا يتممها لي و لكل العايزين